بېغىشلىما ۋە مۇقەددىمە
ئەسەر ھەققىدە
بۆلۈم: “ئەسەر ھەققىدە”«تاللانغان 100 ھەدىسنىڭ تەرجىمىسى ۋە ئىزاھاتى» (نىجات يولى) ئىسلام ئەخلاقى، مۆمىننىڭ سۈپەتلىرى، ئىبادەت، ئائىلە، ئىجتىمائىي ھايات، ھالال-ھارام، قېرىنداشلىق، ئادالەت ۋە نىجاتلىق ئاساسلىرىنى قاپلىغان 100 مۇبارەك ھەدىس شەرىپنىڭ ئۇيغۇرچە تەپسىلىي ئىزاھلىق توپلىمىدۇر. مەزكۇر ئەسەر ئابدۇلئەھەد ھافىز تەرىپىدىن رەتلەنگەن ۋە ئىزاھلانغان.
- ئاپتور ۋە شارىھ: ئابدۇلئەھەد ھافىز
- كىتابنىڭ تولۇق نامى: تاللانغان 100 ھەدىسنىڭ تەرجىمىسى ۋە ئىزاھاتى (نىجات يولى)
- مەزمۇنى: سەھىھۇل بۇخارى ۋە سەھىھۇل مۇسلىم قاتارلىق مۆتىۋەر مەنبەلەردىن تاللانغان 100 ھەدىسنىڭ ئۇيغۇرچە تەرجىمىسى ۋە كۈندىلىك تۇرمۇش مىساللىرى بىلەن يورۇتۇلغان تەپسىلىي ئىزاھاتى
- ئومۇمىي بەت سانى: 438 بەت (تولۇق كىتاب)
بېغىشلىما
بۆلۈم: “بېغىشلىما”ئاپتورنىڭ كىرىش سۆز مۇقەددىمىسىدىن
بۆلۈم: “ئاپتورنىڭ كىرىش سۆز مۇقەددىمىسىدىن”ناھايىتى شەپقەتلىك ۋە مېھرىبان ئاللاھنىڭ ئىسمى بىلەن باشلايمەن.
بارلىق ھەمدۇسانا پۈتكۈل ئالەملەرنىڭ پەرۋەردىگارى بولغان ئاللاھقا خاستۇر! پەيغەمبەرلەرنىڭ ئەڭ ئاخىرقىسى، ئەڭ بۈيۈكى بولغان پەيغەمبىرىمىز مۇھەممەد ئەلەيھىسسالامغا، ئۇنىڭ ئائىلە-تاۋابىئاتلىرىغا، ئەسھابلىرىغا ۋە تا قىيامەتكىچە ئۇلارنىڭ يولىغا ئەگەشكەنلەرگە ئاللاھنىڭ دۇرۇت-سالاملىرى بولسۇن!
ئىسلام دىنى ئىنسانلارنىڭ ئىككى دۇنيالىق سائادىتىنى كاپالەتكە ئىگە قىلىدىغان مۇكەممەل دىندۇر. پەيغەمبەر ئەلەيھىسسالامنىڭ مۇبارەك ھەدىسلىرى بولسا قۇرئان كەرىمنى چۈشەندۈرۈپ بەرگۈچى، ئىسلام ئەھكاملىرى ۋە ئەخلاقىنىڭ ئەڭ گۈزەل ئۈلگىلىرىنى نامايان قىلغۇچى پارلاق مەشئەلدۇر.
مەزكۇر كىتابتا سەھىھ ھەدىسلەردىن ئەڭ مۇھىم بولغان 100 ھەدىس تاللاپ چىقىلدى. ھەر بىر ھەدىسنىڭ ئۇيغۇرچە راۋان تەرجىمىسى بىلەن بىرگە، كۈندىلىك تۇرمۇشىمىزدا قانداق تەتبىقلىنىدىغانلىقى، نېمە ئۈچۈن مۇھىملىقى جانلىق مىساللار بىلەن شەرھلەپ بېرىلدى. مەقسەت ئوقۇرمەنلەرنىڭ ھەدىس روھىنى ئەمەلىي ھاياتىغا تەتبىقلىشى ۋە ئاخىرەتتىلا ئەمەس، بەلكى بۇ دۇنيادىمۇ نىجاتلىققا ئېرىشىشىگە تۈرتكە بولۇشتۇر.
