5. دەۋەتچى يېتىلدۈرۈش باسقۇچى — ئومۇمىي يېتەكچى

مۇددىتى: ئىختىساسلاشتۇرۇش باسقۇچى

بۇ باسقۇچ ئالدىنقى باسقۇچلارنى مۇۋەپپەقىيەتلىك تاماملىغانلار ئىچىدىن دەۋەت، ئىلمىي تەتقىقات، دىنلار سېلىشتۇرمىسى ۋە جەمئىيەت بىلەن ئالاقە باغلاش ساھەلىرىگە لايىق تالانت ئىگىلىرىنى تاللاپ، سەۋىيەسىنى يۇقىرى كۆتۈرۈپ كەسپىي دەۋەتچى قىلىپ يېتىشتۈرۈش باسقۇچىدۇر.

---

كۆزلەنگەن مەقسەت

1. دەۋەت قائىدە-يوسۇنلىرى بىلەن قوراللىنىش: دەۋەت مېتودولوگىيەسى، نۇتۇق سەنئىتى ۋە شەخسىي پىسخولوگىيەنى چۈشىنىش.
2. كەڭ قورساق، پىداكار ۋە ئەخلاقلىق روھ: ئىختىلاپلارغا كەڭ قورساقلىق بىلەن مۇئامىلە قىلىدىغان ۋە سۈننەتكە بويسۇنىدىغان مۇتەپەككۇر دەۋەتچىلەرنى يېتىشتۈرۈش.
3. دۇنيا ۋەزىيىتى ۋە ئىدىيەلەرنى تونۇش: غەرب ۋە شەرق پەلسەپىلىرى، زامانىۋى مەپكۇرىلەر، ساماۋى دىنلار ۋە باتىل ئېقىملارنى پۇختا ئانالىز قىلىش.

---

بۇ باسقۇچتا ئۆتىلىدىغان ئاساسىي دەرسلەر

1. قۇرئان ۋە ھەدىس تەتقىقاتى

سۈرە ئەھقافتىن سۈرە ھەدىدكىچە يادلاش، سۈرە بەقەرە ۋە ئال ئىمران تەپسىرى، «ئۈنچە-مەرجان» توپلىمىدىن تاللانغان 40 ھەدىس.

2. سېلىشتۇرما دىنلار ۋە ئىدىيەلەر

ساماۋى دىنلار (خىرىستىئانلىق، يەھۇدىيلىق)، بۇددا دىنى ۋە دارۋىنىزم، ماتېرىيالىزم، كوممۇنىزم، ئىلمانىزمغا ئىلمىي رەددىيەلەر.

3. مۇئامىلە ۋە ئىجتىمائىي فىقھ

ئىجارە، شېرىكچىلىك، سۇغۇرتا، جازا، قەسەم، ۋەقپە، ھەدىيە، مىراس ئەھكاملىرى ۋە شەرئى پىرىنسىپلار.

4. دەۋەت مېتودولوگىيەسى ۋە پىسخولوگىيە

كىشىلەر بىلەن ئالاقە قىلىش سەنئىتى، يۇمشاق تىل، دەۋەت جەريانىدىكى پىسخىكىلىق خىرىسلار ۋە پەيغەمبەرلەر ئۇسلۇبى.