6. يېتەكچى ئۇستاز يېتىلدۈرۈش باسقۇچى — ئومۇمىي يېتەكچى

يۇقىرى سەۋىيەلىك يېتەكچىلىك باسقۇچى

بۇ باسقۇچ ئالدىنقى باسقۇچلارنى پۇختا تاماملىغانلار ئىچىدىن، تەشكىلىي خىزمەتلەردە يېتەكچىلىك ۋەزىپىسىنى ئۈستىگە ئالالايدىغان، مائارىپ ۋە ئىجتىمائىي مۇئەسسەسەلەرنى باشقۇرۇش قابىلىيىتى بار تالانت ئىگىلىرىنى تاللاپ يېتەكچى ئۇستاز ۋە ستراتېگىيەلىك رەھبەر قىلىپ يېتىشتۈرۈش باسقۇچىدۇر.

---

كۆزلەنگەن مەقسەت

1. باشقۇرۇش ۋە رەھبەرلىك ماھارىتى: مائارىپ، دەۋەت ۋە تەشكىلىي ئورگانلارنى مەقسەتلىك، ئادىل ۋە ئىنتىزاملىق يېتەكلەش.
2. ستراتېگىيەلىك تەپەككۇر: سىياسىي ئاڭنى ئەڭ يۇقىرى سەۋىيەگە يەتكۈزۈپ، دىن، ۋەتەن ۋە مىللەتنىڭ كەلگۈسى ئۈچۈن ئۇزۇن مۇددەتلىك تەسەۋۋۇر ۋە پىلان تۈزۈش.
3. توغرا قارار ئېلىش ۋە كرىزىس باشقۇرۇش: مۇرەككەپ ۋەزىيەتلەردە ئەقىل، ئىلمىي تەھلىل ۋە شەرئى مىزانلارغا تايىنىپ توغرا ھۆكۈم چىقىرىش.

---

بۇ باسقۇچتا ئۆتىلىدىغان ئاساسىي دەرسلەر

1. ئالىي قۇرئان ۋە فىقھى ئۇسۇلى

سۈرە ياسىن، تەۋبە ۋە ئەنفالنى تولۇق يادلاش، سۈرە مائىدە ۋە ئەنئام تەپسىرى؛ ھەق-ھوقۇق، خۇسۇسىي مۈلۈك ۋە كاپالەت نەزەرىيەلىرى.

2. ئىسلاھاتچى پېشىۋالار تارىخى

سالاھىددىن ئەييۇبى، ئۆمەر مۇختار ۋە شەرقىي تۈركىستان ئويغىنىش رەھبەرلىرىدىن ئابدۇلقادىر داموللام، سابىت داموللام، مۇھەممەد ئېمىن بۇغرا كۈرەش تارىخى.

3. ئىستراتېگىيەلىك باشقۇرۇش

دۇنياۋى ئىسلامىي ئورگانلار، خەلقئارا دىپلوماتىيە ۋە لوبىچىلىق سەنئىتى، مەپكۇرە ئېڭى، تەشكىلىي بايلىق ۋە كەلگۈسى پىلانلاش مېتودى.