دىن ۋە ئىنسان
دىن ۋە دۇنيادىكى دىنلارنىڭ تۈرلىرى (سوئال 1 – 16)
بۆلۈم: “دىن ۋە دۇنيادىكى دىنلارنىڭ تۈرلىرى (سوئال 1 – 16)”جاۋاب: ئاللاھقا قۇلچىلىق قىلىش، يەنى ئاللاھنىڭ ئەمرىگە ئۇيغۇن ھالدا ياشاش ئۈچۈن يارىتىلغان.
جاۋاب: دىن — ئىنسانلارنى ئىختىيارىي ھالدا بەخت-سائادەتلەرگە ئېرىشتۈرىدىغان ئىلاھىي قانۇن بولۇپ، ئاللاھنىڭ پەيغەمبەرلەرگە قىلغان ۋەھىيلىرىدە ئىپادىسىنى تاپقان.
جاۋاب: دىننىڭ مەنبەسى ئاللاھتۇر. ئاللاھ ئىنسانلارنى دىنىي ئېتىقادقا ئېھتىياجلىق قىلىپ ياراتقان، ئاندىن ئىنسانلارنىڭ بۇ ئېھتىياجىنى قاندۇرۇش ئۈچۈن دىننى چۈشۈرۈپ پەيغەمبەرلەر ئارقىلىق ئۇنى ئىنسانلارغا ئۆگەتكەن.
جاۋاب: دۇنيادىكى دىنلار «ھەق دىن»، «ئۆزگەرتىلگەن دىن» ۋە «باتىل دىن» دەپ 3 كە بۆلۈنىدۇ.
جاۋاب: ھەق دىن — ئاللاھ تەرىپىدىن پەيغەمبەرنىڭ ۋاسىتىسى بىلەن كەلگەن ۋە ئەسلى ئۆزگەرمەستىن داۋام قىلغان دىن بولۇپ، بۇ ئالاھىدىلىككە ئىگە دىن بىرلا ئىسلام دىنىدۇر.
جاۋاب: ئۆزگەرتىلگەن دىن — ئەسلى ئاللاھ تەرىپىدىن پەيغەمبەر ۋاسىتىسى بىلەن كەلگەن بولسىمۇ، كېيىنچە ئىنسانلار تەرىپىدىن ئۆزگەرتىۋېتىلگەن دىنلاردۇر. يەھۇدىي ۋە خرىستىئان دىنلىرىغا ئوخشاش.
جاۋاب: يەھۇدىي دىنى — مۇسا ئەلەيھىسسالامغا ئاللاھ تەرىپىدىن كەلگەن دىن بولۇپ، بۇ دىنغا ئېتىقاد قىلىدىغان كىشىلەر يەھۇدىيلار دېيىلىدۇ. ئەمما ھازىرقى يەھۇدىي دىنى ئەسلى ئۆزگەرتىۋېتىلگەن دىندۇر.
جاۋاب: خرىستىئان دىنى — ئىسا ئەلەيھىسسالامغا ئاللاھ تەرىپىدىن كەلگەن دىن بولۇپ، ناسارا دىنى دەپمۇ ئاتىلىدۇ. بۇ دىنغا ئېتىقاد قىلىدىغان كىشىلەر خرىستىئان ياكى ناسارا دېيىلىدۇ. ئەمما ھازىرقى خرىستىئان دىنى ئەسلى ئۆزگەرتىۋېتىلگەن دىندۇر.
جاۋاب: باتىل دىنلار — ئاللاھ تەرىپىدىن كەلمىگەن، پەقەت ئىنسانلار تەرىپىدىن ئويدۇرۇپ چىقىرىلغان دىنلاردۇر: مەسىلەن، بۇددا، ھىندى دىنلىرىغا ئوخشاش.
جاۋاب: ئىنسانلار ئېتىقاد جەھەتتىن مۈمىن، مۇناپىق، كاپىر ۋە مۇشرىك دەپ 4 كە بۆلۈنىدۇ.
جاۋاب: مۈمىن — ئىسلام دىنىغا چىن قەلبىدىن ئىشىنىپ ئېتىقاد قىلىدىغان، بۇ ئېتىقادىنى ئوچۇق ئېلان قىلغان ۋە ئىسلام دىنىنىڭ كۆرسەتمىلىرىگە رىئايە قىلغان ھالدا ياشاشقا تىرىشىدىغان كىشىلەردۇر.
جاۋاب: مۇناپىقلار — ئىسلام دىنىغا كۆڭلىدىن ئىشەنمەيدىغان تۇرۇپ، ئۆزلىرىنىڭ مۇسۇلمانلار قاتارىدىن ئىكەنلىكىنى سۆزلەيدىغان ئىككى يۈزلىمىچى كىشىلەردۇر. مۇناپىقلار ئاللاھ تائالانىڭ نەزىرىدە كاپىرلاردىنمۇ يامان مەخلۇقلاردۇر. زامانىمىزدا مۇسۇلمان قىياپىتىگە كىرىۋالغان ئالدامچىلار بۇنىڭ مىسالىدۇر.
جاۋاب: كاپىر — ئاللاھقا ئىشەنمەيدىغان ۋە ئۇنى ئوچۇق سۆزلەيدىغان ياكى ئىسلامدا ئىمان ئېيتىش كېرەك بولغان ئېتىقادقا مۇناسىۋەتلىك مەسىلىلەردىن بىرەرسىنى ئىنكار قىلغانلاردۇر: مەسىلەن، دەھرىيلەر ۋە زامانىمىزدىكى كۇپىرلار بۇنىڭ مىسالىدۇر.
جاۋاب: ئېتىقادتا ياكى ئىبادەتلەردە باشقىلارنى ئاللاھقا شېرىك قىلىپ قوشۇۋالغۇچىلاردۇر: مەسىلەن، بۇتلارغا، مازارلارغا، ئاتالمىش ئەۋلىيالارغا چوقۇنغۇچىلارغا ئوخشاش.
جاۋاب: بىزنىڭ دىنىمىز ساماۋىي دىنلارنىڭ ئەڭ ئاخىرقىسى بولغان ئىسلام دىنىدۇر.
ئىسلام دىنى ۋە ئۇنىڭ غايىسى (سوئال 17 – 20)
بۆلۈم: “ئىسلام دىنى ۋە ئۇنىڭ غايىسى (سوئال 17 – 20)”جاۋاب: ئىسلام دىنى — ئاللاھ تائالا تەرىپىدىن پەرىشتە جىبرىئىلنىڭ ۋاسىتىسى بىلەن پەيغەمبىرىمىز ھەزرىتى مۇھەممەد ئەلەيھىسسالامغا كەلگەن ۋە ئەسلى ھېچ ئۆزگەرمەستىن، كەلگەن پېتى داۋام قىلىۋاتقان ھەق دىندۇر.
جاۋاب: ئىسلام دىنىنىڭ مەقسىتى ۋە غايىسى ئىنسانلارنى بۇ دۇنيادا ۋە ئاخىرەتتە بەختكە ئېرىشتۈرۈشتۇر.
جاۋاب: ئىسلام دىنى كىشىلەرنى ئەڭ ئاۋۋال ئىمان، ئىبادەت ۋە ئەخلاققا بۇيرۇيدۇ.
